Зеленский Путинге ашық хат жолдады

Украина президенті Владимир Зеленский Ресей президенті Владимир Путинге ашық хат жариялап, соғысты тоқтату үшін жеке кездесу өткізуді ұсынды.

Украина президентінің ресми сайтында жарияланған хатта Зеленский Ресей үшін соғыстың салдары барған сайын ауырлап бара жатқанын мәлімдеді. Одан бөлек, Зеленский Украина барлау қызметінің деректеріне сүйене отырып, 2026 жылдың мамыр айында майданда шамамен 30 мың ресейлік әскери қызметкердің қаза тапқанын немесе ауыр жараланғанын айтты. Оның сөзінше, мұндай көрсеткіш бірнеше ай қатарынан сақталып келеді.

Украина президенті Ресей армиясындағы шығындардың құрылымына да тоқталды. Ол келтірген мәлімет бойынша, шығындардың 63 пайызы – қаза тапқандар, ал 37 пайызы – жараланғандар.

«XXI ғасырда армиялар мұндай арақатынасқа жол бере алмайды. Алдағы уақытта қаза тапқандардың үлесі одан әрі артуы мүмкін», – деді Зеленский.

Сонымен қатар Украина басшысы соғыс қимылдарын тоқтату және қазіргі майдан шебі бойынша бітім орнату мақсатында бейтарап елдердің бірінде Путинмен жеке кездесу өткізуге дайын екенін жеткізді.

Алайда Зеленский Ресей тарапы ұсынған Мәскеудегі кездесуге барудан тағы да бас тартты. Бұған дейін Ресей билігі екі ел президенттерінің тікелей келіссөздерін Мәскеуде ұйымдастыру мүмкіндігін қарастыруға дайын екенін мәлімдеген болатын.

Соңғы айларда Ресей мен Украина арасындағы әскери қақтығыстар жалғасып жатқанымен, тараптар арасында бейбіт келіссөздерді қайта бастау мәселесі халықаралық деңгейде жиі көтерілуде.